न्याय माग्दा गिरफ्तारी

राज्यले यसअघि पाँच पटक गरेको सहमति कार्यान्वयनको माग राख्दै धर्नामा बसेका बेला रुवि खानलाई प्रहरीले पक्राउ गर्‍यो, तीन दिनमा रिहा भइन्, तर अनशन जारी छ ।

काठमाडौं, नेपालगन्ज — बाँकेकी निर्मला कुर्मीको शंकास्पद मृत्यु प्रकरणमा न्यायका लागि जिल्ला प्रशासन कार्यालय अगाडि रुवि खानको समूहले धर्ना दिएको तीन दिन मात्र पुगेको थियो, साँझ ५ बजे एकाएक हतियारसहितका प्रहरी आइपुगे । उनीहरूले खानसहित ६ अधिकारकर्मीलाई समातेर भ्यानमा हाल्न थालिहाले । खानलगायतले प्रतिकार गर्न खोजे तर सकेनन् ।