रातो किताब, माओ ब्याज र रेड गार्डले लगाउने रातो पट्टी : ती प्रतीकहरू जसले सांस्कृतिक क्रान्तिको ६० वर्षको कथा भन्छन्

चीनमा सांस्कृतिक क्रान्तिको ६० औँ वार्षिकोत्सव मनाइँदै छ- त्यो समय जसले चीनलाई उथलपुथलयुक्त दशकतर्फ धकेलेको थियो।

१६ मे १९६६ मा कम्युनिस्ट नेता माओले देशलाई पुँजीवादी प्रभाव र पुँजीवादी सोचबाट मुक्त गर्न र आफ्ना प्रतिद्वन्द्वीलाई समाप्त गर्न एक अभियान सुरु गरे।

माओका विचारको प्रचारप्रसार गर्न देशभरि युवाहरूको 'रेड गार्ड' समूह अगाडि सारियो।

उनीहरूले सांस्कृतिक सम्पदा ध्वस्त पारे, धरपकड गरे र शिक्षक बुद्धिजीवी र राज्यका 'परम्परागत शत्रु'सँग सोधपुछ गरियो तथा उनीहरूलाई अपमानित गर्दै कुटपिट गरिए।

क्रान्तिमा दशौँ लाख मानिस विस्थापित भए र करिब पाँच लाखदेखि २० लाखको ज्यान गयो। उथलपुथल र रक्तपातयुक्त वर्षहरू माओको सन् १९७६ मा मृत्यु भएसँगै अन्त्य भए।

त्यो समयको विवादास्पद विरासतलाई कसरी व्यवस्थापन गर्ने भन्ने विषय चीनका कम्युनिस्ट शासकहरूका लागि त्यसयता नै चुनौतीका रूपमा रहँदै आएको छ।

बीबीसी न्यूज नेपाली यूट्यूबमा पनि छ। हाम्रो च्यानल सब्स्क्राइब गर्न तथा प्रकाशित भिडिओहरू हेर्न यहाँ क्लिक गर्नुहोस्। तपाईँ फेसबुक, इन्स्टाग्राम र ट्विटरमा पनि हाम्रा सामग्री हेर्न सक्नुहुन्छ। अनि बीबीसी नेपाली सेवाको कार्यक्रम बेलुकी पौने नौ बजे रेडिओमा सोमवारदेखि शुक्रवारसम्म सुन्न सक्नुहुन्छ।

© 2026 बीबीसी। अन्य वेबसाइटका सामग्रीहरूका लागि बीबीसी जिम्मेवार छैन। बाह्य वेबसाइटको लिङ्क प्रयोग सम्बन्धमा हाम्रो नीति पढ्नुहोस्।