ट्रम्पको चीन भ्रमण: मत्थर भएको व्यापार युद्धको परीक्षा हुनसक्ने

अमेरिकी राष्ट्रपति डोनल्ड ट्रम्प चीन भ्रमणको निम्ति बेइजिङतर्फ लागेका छन्।

अमेरिकी राष्ट्रपतिको चीन भ्रमण झन्डै एक दशकपछि हुन लागेको हो।

यो विश्वका सबैभन्दा ठूला दुई अर्थतन्त्रबीचको सम्बन्धमा निर्णायक क्षण हुने ठानिएको छ।

ट्रम्पसँगै अमेरिकाका सबैभन्दा ठूला कम्पनीका कार्यकारीहरू पनि बेइजिङ पुग्दैछन्।

बोइङ, सिटी ग्रुप र क्वोलकमका कार्यकारीहरू चिनियाँ कम्पनीहरूसँग सम्भाव्य सम्झौताका लागि जान लागेको बताइएको छ।

वासिङ्टन र बेइजिङबीच व्यापार युद्ध रोकिएको समयमा हुन लागेको यो भ्रमण अर्को परीक्षण पनि हो।

सन् २०२५ को एप्रिलमा ट्रम्पले विश्वभरिका मित्रदेखि शत्रु राष्ट्र सबैलाई आयात शुल्क लागु गरे।