ट्रम्पको निर्देशनमा इरानसँग सम्झौता नगर्ने विवाद

अमेरिकी राष्ट्रपति डोनल्ड ट्रम्पले आफूले वार्ताकारहरूलाई इरानसँग 'हतारमा सम्झौता नगर्न' निर्देशन दिएको जनाएका छ। छलफलमा रहेको समझौताको प्रस्तावमा ६० दिने युद्धविराम विस्तार, स्ट्रेट अफ होर्मुज पुनः खोल्ने र इरानको परमाणु कार्यक्रमबारे थप वार्ता योजना समावेश गरिएको छ। ट्रम्पले समझौतामा 'धेरै हदसम्म सहमति भइसकेको' शनिवार बताएका थिए, जसले गर्दा त्यसको घोषणा तत्कालै हुनसक्ने अनुमान गरिएको थियो। इरानी अधिकारीहरूले पनि सप्ताहान्तमा वार्तामा प्रगति भएको सङ्केत दिएका थिए। इरानी विदेश मन्त्रालयका प्रवक्ता इस्माइल बाघेईले सम्झौतामा पुग्न दुई पक्ष "धेरै नजिक र धेरै टाढा" दुवै अवस्थामा रहेको बताएका थिए। अमेरिकी सञ्चार माध्यमका अनुसार प्रस्तावित सम्झौता अन्तिम होइन र यसमा केही पेचिला मुद्दाहरूबारे पछि हल खोज्ने गरी छाडिएको छ।