पुनःस्थापनाका लागि सुकुमवासी बस्तीका ९३० परिवारले टिपाए नाम

सरकारले कतै घरजग्गा भए नभएकोदेखि सम्पूर्ण विवरणसम्बन्धी १५ दिनभित्र सूक्ष्म ‘स्क्रिनिङ’ गर्ने, त्यसपछि जग्गाजमिन नभएकालाई इचंगुस्थित अपार्टमेन्टमा राख्ने तयारी।

काठमाडौँ — सरकारले काठमाडौंको थापाथली, गैरीगाउँ र कागेश्वरी मनोहराको सुकुमवासी बस्ती खाली गराएपछि विस्थापित भएको भन्दै पुनःस्थापनाका लागि ९३० परिवारले नाम टिपाएका छन् । ती परिवारमा ३ हजार ९ सय ५७ जना सदस्य रहेका छन् ।