इरान युद्ध र महँगीले ट्रम्पको लोकप्रियता खस्कियो
काठमाडौँ । अमेरिकी राष्ट्रपति डोनाल्ड ट्रम्पको लोकप्रियता अहिलेसम्मकै न्यून स्तरमा खस्किएको छ । अन्तर्राष्ट्रिय समाचार संस्था रोयटर्स र बजार अनुसन्धाता संस्था इप्सोसको संयुक्त सर्वेक्षणअनुसार अहिले केवल ३४ प्रतिशत अमेरिकीहरूले मात्रै ट्रम्पको कार्य सम्पादनलाई समर्थन गरेका छन् । अघिल्लो सर्वेक्षणमा यो अनुपात ३६ प्रतिशत थियो ।
२०२५ को जनवरीमा पद सम्हाल्दा ट्रम्पको समर्थन दर ४७ प्रतिशत थियो । तर त्यसयता उनको लोकप्रियता लगातार घट्दै आएको छ । विशेष गरी इरान युद्ध र त्यसले निम्त्याएको आर्थिक असरले उनको लोकप्रियतामा ठुलो कमी ल्याएको विश्लेषण गरिएको छ । फेब्रुअरी २८ देखि अमेरिका र इजरायलले इरानविरुद्ध सैन्य अभियान सुरु गरेपछि विश्व बजारमा इन्धनको मूल्य बढेको छ, जसले आम नागरिकको जीवनयापन महँगो बनाएको छ ।
सर्वेक्षणअनुसार जीवनयापन लागत व्यवस्थापनमा ट्रम्पको प्रदर्शनलाई केवल २२ प्रतिशत उत्तरदाताले मात्र समर्थन गरेका छन् । अघिल्लो सर्वेक्षणमा यो अनुपात २५ प्रतिशत थियो ।
सर्वेक्षणमा अधिकांश उत्तर शनिबार राति ह्वाइट हाउसले वाशिङ्टन डीसी हिल्टन होटलमा आयोजना गरेको करेस्पोन्डेन्स एसोसिएसन डिनरमा गोलीबारी हुनुभन्दा अगाडि सङ्कलन गरिएको थियो । यस घटनाले ट्रम्पको लोकप्रियतामा कस्तो असर पारेको छ भन्ने आगामी सर्वेक्षणले देखाउनेछ।
Bakhundole, Lalitpur01-5010630, 01-5010671[email protected][email protected][email protected][email protected]
© 2026 Copyright Ratopati News Network | All rights reserved.
स्रोतहरू खुलाइएका बाहेक रातोपाटीमा प्रकाशित सम्पूर्ण सामग्रीहरू रातोपाटी न्युज
नेटवर्कका सम्पत्ति हुन् ।
