National volleyball player Punam Chand directed by Nepal Police to report within 7 days. Chand has been absent since Chaitra 15, 2082, re…

काठमाडौँ । राष्ट्रिय भलिबल खेलाडी पुनम चन्दलाई सम्पर्कमा आउने प्रहरी प्रधान कार्यालयले निर्देशन दिएको छ । राष्ट्रिय प्रहरी प्रशिक्षण प्रतिष्ठानको पत्रको आधारमा प्रहरी प्रधान कार्यालयले उनलाई ७ दिनभित्र कार्यालयमा हाजिर हुन् निर्देशन दिएको हो ।

प्रहरी जवान चन्द २०८२ चैत १५ देखि कार्यालयमा गैरहाजिर छिन् । राष्ट्रिय भलिबल टिमकी सदस्यसमेत रहकी चन्द अस्ट्रेलिया गएको उनका सहकर्मीहरू बताउँछन् । अहिले उनी अस्ट्रेलिया स्थित सिड्नी क्लबबाट खेलिरहेकी छन् ।

प्रहरी प्रधान कार्यालयले जेठ ११ मा सूचना जारी गरेर पुनम लगायत गैरहाजिर रहेको प्रहरी कर्मचारीहरूलाई गैर हाजिर रहनुको कारण खुलाई सन्तोषजनक स्पष्टीकरण सहित कार्यालयमा उपस्थित हुन निर्देशन दिएको छ ।

प्रहरी नियमावली २०७१ अनुसार चन्द लगायत गैर हाजिर भएकाहरू प्रहरी कर्मचारीहरूको ठेगानामा यसअघि नै सूचना टाँस गरिएको थियो । हाल नेपाली महिला टोलीले घरेलु कोर्टमा काभा महिला भलिबल खेलिरहेको छ । तर, पुनम कोर्टमा उपस्थित छैनन् ।

Bakhundole, Lalitpur01-5010630, 01-5010671[email protected][email protected][email protected][email protected]

© 2026 Copyright Ratopati News Network | All rights reserved.

स्रोतहरू खुलाइएका बाहेक रातोपाटीमा प्रकाशित सम्पूर्ण सामग्रीहरू रातोपाटी न्युज

नेटवर्कका सम्पत्ति हुन् ।