भ्रष्टाचार मुद्दामा मुछिएका पूर्वअर्थमन्त्री महतको स्वास्थ्य अवस्था बुझ्न आदेश

विशेषमा महतले आफू स्वास्थ्य समस्यामा रहेको भनी निवेदन दिएपछि उनको मेडिकल परीक्षण रिपोर्ट बुझ्ने आदेश गरेको हो ।

काठमाडौँ — विशेष अदालतले भ्रष्टाचार मुद्दामा मुछिएका पूर्वअर्थमन्त्री एवं नेपाली कांग्रेसका नेता रामशरण महतको निवेदनमा स्वास्थ्य अवस्था बुझ्न आदेश गरेको छ । विशेषमा महतले आफू स्वास्थ्य समस्यामा रहेको भनी निवेदन दिएपछि उनको मेडिकल परीक्षण रिपोर्ट बुझ्ने आदेश गरेको हो । न्यायाधीशहरु नारायणप्रसाद पौडेल, डिल्लीरत्न श्रेष्ठ र विदुर कोइरालाको इजलासले यस्तो आदेश गरेको हो ।